Apr 27, 2013

ညရဲ့ ည


 ရုတ် ရုတ် …ရုတ်ရုတ် နဲ့
ကိုယ့်အထုတ်ကိုဆွဲ
သူ့ပစ္စည်းသူသယ်
ဆိုက္ကား သုံးဘီး  ကား
တန်ရာတန်ရာသယ်ပိုး
နေရာတွေရွှေ့ပြောင်းကြပေါ့
ဘယ်သူ့မျက်နှာ ကြည့်လိုက်ကြည့်လိုက်
ဒေါသနဲ့ အဆီဝေ့
ရာသီ ကလည်း ပူနေပြီကိုး…………။
ဟိုနေရာ ဘာဖြစ်သလို
ဒီနေရာမှာ ညာဖြစ်သလို
သလိုလိုတွေနဲ့ကောလဟာဠ
ကြောက်တတ်သူတွေကို သတ်နေသလိုပါ့
ဘယ်နေရာ ဘာဖြစ်ဖြစ် ကိုယ့် ပစ္စည်း ကိုယ့်အမိုးအောက်ရောက်ရေး
သယ်ပေး သယ်ပေး….။
အဲဒိလိုနဲ့
နေ့ကို ဒေါသနဲ့ မောင်းနှင်ပြီး
ညနေကျမှ ၀မ်းကဟာလာကြလေရော………။
ရှိတာနဲ့ဖြစ်သလိုစားသောက်ပြီး သကာလ
ညကို သောကနဲ့ဖြတ်သန်းကြရဦးမယ် ….။
အဲဒိညကတော့
ညတစ်ကာတို့မှောင်တာထက်တောင် မှောင်ပါရဲ့
ဟိုဟို ဒီဒီ ချိုးချိုး ချွတ်ချွတ်သံကြားလေးတိုင်း
ခေါင်းထောင်ကြည့်ရတာအမော …….။
88 တုန်းက တစ်ခါ
ဈေးတွေဖျက်လိုက်တော့တစ်ခါ
………………….တော့တစ်ခါ
ခုတစ်ခါ……….. နဲ့
တစ်ခါတစ်ခါတွေကလည်းများပါဘိတောင်း
နောက်ဘယ်နှစ်ခါကြုံရဦးမယ်မသိ
ဈေးပြန်ဖွင့်ရင်  ဒီကုန်တွေပြန် သယ်ရဦးမဲ့အရေး
တွေးရင်းနဲ့ အာရုံလာမှပဲ
ဟင်းကနဲ သက်ပြင်းချနိုင်တော့တယ်
အမှောင်ဆုံးညကို လွန်မြောက်ခဲ့ပါပြီ အမေ……..။
နေ၀န်းနီ

No comments:

Post a Comment